Máttur viljans

Allt sem við veitum athygli vex og dafnar.
Öll erum við ljós og ótakmörkuð orka. Með því að styrkja mátt viljans getum við virkjað kraftinn sem býr innra með okkur og bókin spyr þessarar einföldu en mikilvægu spurningar:

Af hverju áttu ekki í einlægu ástarsambandi við þig?

Máttur viljans er skrifuð með það fyrir augum að veita sem flestum aðgang að þessari umræðu og setur fram lausnir á einfaldan og aðgengilegan hátt.

Guðni hefur mikla reynslu af hug-og heilsurækt eftir að hafa starfað sem lífsráðgjafi í rúmlega 20 ár. Hann er meðal annars fyrsti einkaþjálfarinn á Íslandi og stofnandi og upphafsmaður GlóMotion og Rope Yoga hugmyndafræðinnar, sem nýtur vaxandi vinsælda bæði hérlendis og vestanhafs.

Guðni er fæddur 1954 og uppalinn í Keflavík. Í dag rekur hann Rope Yoga Setrið í Garðabæ og GlóMotion International. Hann starfar samhliða því við lífsráðgjöf, námskeiða- og fyrirlestrahald, þjálfun GlóMotion kennara, almenna GlóMotion þjálfun og skriftir.

„Þessi bók á eftir að hrista ærlega upp í þeim sem hafa kjark
til að lesa hana og meðtaka boðskap hennar.“ – Jóhann Ingi Gunnarsson, sálfræðingur

„Þessi bók breytir lífi þínu þegar þú nýtir þér innihald hennar. Máttur viljans er að mínu mati frábær vegvísir fyrir þá sem þora að taka ALLA ábyrgð á eigin lífi og finna frelsið. Og í frelsinu byrjar ferðalagið í átt til ljóssins hið innra með þér.
TAKK Guðni¨*•.¸¸?“ – Sólveig Eiríksdóttir, heilsufrömuður.