Máttur viljans og Máttur athyglinnar

Fáðu báðar bækurnar í einum pakka á afsláttarverði

Máttur viljans

Máttur viljans er bók sem gerir þér kleift að losna undan álögum. Ekki þess háttar álögum sem við lesum um í ævintýrum, heldur sjálfsálögum – öllu því neikvæða sem við leggjum á okkur sjálfviljug og þar með á allan heiminn.
Þetta er bók sem fjallar um að lifa annað hvort í sjálfstýringu, þar sem skortur og vansæld ráða ríkjum, eða í eigin mætti og kærleiksríkri ábyrgð.
Öll erum við ljós og ótakmörkuð orka. Með því að styrkja mátt viljans getum við virkjað kraftinn sem býr innra með okkur og bókin spyr þessarar einföldu en mikilvægu spurningar: „Af hverju áttu ekki í einlægu ástarsambandi við þig?“

Máttur viljans er skrifuð með það fyrir augum að veita sem flestum aðgang að þessari umræðu og setur fram lausnir á einfaldan og aðgengilegan hátt.

Guðni hefur mikla reynslu af hug-og heilsurækt eftir að hafa starfað sem lífsráðgjafi í rúmlega 20 ár. Hann er meðal annars fyrsti einkaþjálfarinn á Íslandi og stofnandi og upphafsmaður GlóMotion og Rope Yoga hugmyndafræðinnar, sem nýtur vaxandi vinsælda bæði hérlendis og vestanhafs.

Guðni er fæddur 1954 og uppalinn í Keflavík. Í dag rekur hann Rope Yoga Setrið í Garðabæ og GlóMotion International. Hann starfar samhliða því við lífsráðgjöf, námskeiða- og fyrirlestrahald, þjálfun GlóMotion kennara, almenna GlóMotion þjálfun og skriftir.

Máttur athyglinnar

Máttur Athyglinnar – sjö skref að varanlegri velsæld. Hvað er athygli? Hvernig verður kraftaverk til?

Hér beinir Guðni Gunnarsson sjónum sínum að því hversu einfalt er að gera breytingar á lífi sínu og tilvist. Á afar innihaldsríkan en skýran hátt leiðir hann lesandann í gegnum sjö vikna verkefnavinnu sem umbyltir lífi allra sem henni fylgja með krafti í verki.

Bókin er notuð sem verkefnabók á námskeiðum Guðna, en hana getur þó hver sem er lesið og notað eftir eigin þörfum.
Bókin er sjálfstætt framhald af bókinni Máttur viljans sem kom út árið 2011 við góðar undirtektir landsmanna.

6,750kr.

Takk fyrir að deila!

Share on facebook
Share on twitter
Scroll to Top