Glómotion mótstöðuæfingar, hugleiðsla, sjálfsmildi. Hefst 26. október.

TRX mótstöðuæfingum, hugleiðslu og sjálfsmildi blandað saman með áhrifaríkum hætti á nýju námskeiði
sem hefst 26. október.

Á þessu 4-vikna námskeiði læra þátttakendur helstu mótstöðuæfingar í TRX böndum. TRX stendur fyrir Total Body Resistance Exercise, þar sem unnið er með bönd sem hanga úr lofti og eigin líkamsþyngd notuð í fjölbreyttar æfingar sem efla styrk, jafnvægi, liðleika og þrek.

TRX hentar fjölbreyttum hóp þátttakenda því
það er hægt að aðlaga líkamsstöðu til að stjórna erfiðleikastigi. Æft er í vitund með áherslu á öndun,
líkamsbeitingu og virkjun kviðvöðva.

Æfingarnar byrja á öndunaræfingum (pranayama) og flæðiæfingum til að mæta á staðinn og vera til staðar.

Áhersla er lögð á ásetning, sjálfsmildi og staðhæfingar sem þátttakendur tileinka sér á námskeiðinu.

Í framhaldinu er farið í TRX böndin þar sem upphitun, æfingar og teygjur eru teknar fyrir.

Tímanum lýkur alltaf á hugleiðslu, þar sem þátttakendur fá að upplifa og læra mismunandi aðferðir til að hugleiða

Þjálfari: Bryndís Skarphéðinsdóttir