Djúpnærandi og Umbreyting með Arnóri

Við ætlum að koma saman og skapa friðsælt & kærleiksríkt rými þar sem þú getur tengst sjálfum þér og friðsældinni sem býr innra með þér.

Við bjóðum þig velkomin/nn með ásetning. Hér er tækifæri til að ferðaast inn á við og leyfa ásetningnum að taka festu djúpt í kjarnanum þínum þar sem hann mun fá að vaxa og dafna!
Sleppum taki á því sem þjónar okkur ekki og opnum fyrir nýja og nærandi orku ♥

Við byrjum þessa yndislegu stund að drekka 100% hreint Kakó frá Guatemala sem mun aðstoða okkur við ferðalagið inn á við. Tengjumst síðan líkama og anda með djúpri öndun. Opnum síðan líkamann með mjúkum og ljúfum teygjum sem hleypa lífsorkunni í hverja einustu frumu. Leyfum okkur svo að gefa alveg eftir inn í djúpa slökun á meðan nærandi tónar frá ekta tíbeskum söngskálum hjálpa líkamanum að endurraða orkunni og skapa samhljóm milli huga, líkama og sálar.

KAKÓIÐ sem að við drekkum 100% hreint kakó. Það kemur frá regnskógum Guatemala og fer ekki í gegnum hefðbundið vinnsluferli og haldast því öll næringarefnin í súkkulaðinu. Kakóið auðveldar ferðalagið inn á við. Það eykur blóðflæðið um líkamann, hjálpar þér að fara djúpt inn á við, tengjast þínum innsta kjarna.
Súkkulaðið er meðal annars hlaðið af magnesíum og öðrum mikilvægum steinefnum og er með eitt mesta magn af andoxunarefnum sem vitað er um.
Magnesíumið hjálpar líkamnum að slaka betur á og fara ennþá dýpra inn á við.

TÍBESKAR SÖNGSKÁLAR hafa verið notaðar öldum saman í heilunar tilgangi og til þess að skapa ánægjulegt hugleiðsluástand. Þær gefa frá sér ákveðnar hljóðbylgjur sem að aðstoða líkamann við komast í sitt upprunalegt form.

Hljóðbylgjurnar bera með sér ákveðna tíðni. Þessi tíðni hefur jákvæð áhrif á það sem er í ósamræmi við líkamann, aðstoðar hann við að endurraða sér og skapa samhljóm milli huga líkama og sálar. Þær vinna vel gegn streitu, sársauka, þunglyndi og flestum kvillum sem geta herjað á líkama og huga.

Í þessu heilunarástandi samstilla hljóðbylgjur söngskálana sig við heilabylgjur hugans og skapa fullkomið ástand fyrir djúpa hugleiðslu, skapandi hugsun og djúpa tengingu við innsæið!

Þessar tæru hljóðbylgjur sem að víbra frá tíbesku söngskálunum ýta undir þann hæfileika að hlusta ekki aðeins með eyrunum heldur að finna og skynja með líkamanum okkar!

UM KENNARANN
Arnór Sveinsson er búinn að vera kenna Jóga og hugleiðslu frá því í september 2013, árið sem hann lauk jógakennaranámi í Jógaskóla Kristbjargar Kristmundardóttur.
Hann hefur ferðast víðsvegar um heiminn og sótt fjöldan allan af námskeiðum sem tengjast jóga, hugleiðslu og andlegri vinnu. Hann eyddi þar á meðal miklum tíma með munk í fjöllum norður Tælands þar sem hann fór í djúpa sjálfsvinnu í gegnum hugleiðslu sem er að miklu leyti undirstaðan í kennslunni hans.
Arnór leggur mikla áherslu á öndun og hefur meðal annars sótt námskeið hjá “Ísmanninum” Wim Hof þar sem hann fór djúpt í aðferðina hans og hefur leitt hana inn í sína kennslu.

Hann hefur boðið upp á fjöldann allan af jóganámskeiðum: byrjendanámskeið, framhaldsnámskeið, hugleiðslunámskeið og krakkajóga. Hann sá um jógakennslu í Álftanesskóla yfir tveggja ára tímabil og sumarið 2016 fluttist hann að út í sveit. Þar bauð hann upp á svo kölluð “Retreat” og tók á móti fólki og sá um að leiða það inn á við í gegnum jóga, hugleiðslur, samflot og öndun ásamt stórum skammti af íslenskri náttúru. Nú er Arnór kominn í bæinn og er starfsemin hans hreyfanleg og sveigjanleg þar sem hann býður upp á allskonar viðburði hér og þar.

Vertu hjartanlega velkomin/nn í nærandi stund hjá okkur @ Rope Yoga setrið setrið ♥

Skrá sig hér